行山簡單既家樂徑 - 元朗 河貝水塘
河貝水塘係香港最細面積既灌溉水塘
同埋都係香港少有既'S形'既堤壩水塘
曾經入選漁農署郊野公園十大自然風景之一
首先我地係元朗出發 坐小巴直到河背村站落車
落車之後沿住斜路行上去，起步點就見到補給站
有飲品小食賣，仲有單車打氣添
離開補給站一直向上行就會見到家樂徑既起點
河貝村一直上斜路就可以到達河背營點同埋燒烤場
中途望下旁邊既景色，一群群既綠色收入眼眶
經過燒烤場再行咗大約15分鐘就差唔多到水塘
我地可以沿住水塘行一個圈，大約一個鐘左右
可能係五月天既關係，星期日都唔算好多人
我地仲可以無限放題攝影，哈哈哈 .....
沿住水塘行就會見到家樂徑入口
呢度除咗郊遊人仕，仲有越野單車發燒友
成條家樂徑既路都好平坦，非常易行
就算帶小朋友或者狗狗都完全無問題
同時亦有D樹蔭，感覺好舒服
水塘既中段路有個好似竹林既小隧道要穿越
好岩我地呢D打卡既港女，過下外地遊引都好
我估秋天行應該可以睇到芒果，景觀仲靚
行到尾聲仲有段小流水既大平地
加上日光照住，影相都特別有仙氣
扮完仙女今次既旅程就差唔多完結
行下輕鬆下都差唔多用咗3個鐘 ~~
係離開前遇上自家制既姨姨賣凍野飲
當時第一時間去幫襯佢，消下暑啦
消完暑就搭返同一架小巴出去元朗 .....
路線 : 河貝村 > 家樂徑 > 沿水塘行一圈 > 竹林
交通： 元朗泰衡街乘搭71往返河貝村
體力需求：1.5星
膽量需求 : 1星
