由於藍地水塘有非常多路線可以上到去，四方八面都有路接通
好多朋友們都會由何福堂上屯門徑再行埋彩虹欄杆打卡
但今次係即興行，Q姐仲著緊短裙，所以避開咗人多既路線
揀咗係嶺南大學後面，沿住富地路上去虎山燒烤區
藍地灌溉水塘 - 同洪水坑水塘距離唔夠1公里，我下次會行埋 ~~
藍地水塘係大欖涌水塘既延伸，水塘水由山上多條引水道滙集而成
雨後部分山澗會形成瀑布，沖入水塘，再經溪澗流入村中農地供灌溉之用
最終流入屯門河並匯入青山灣
好~講返路線先，沿住嶺南大學一空行上去大約35分鐘左右
一直行上去過埋燒烤場就見到指示牌
呢面可以揸車上黎，但唔建議咁做，因為位置好少，得3架車位左右
望到郊遊徑指示一直行，落樓梯，大約6-8分鐘就落到咖啦
個天同D塘水差唔多一樣色，一樣咁藍，藍水水塘?? 哈哈哈
遠望都可以望到屯門
欣賞完之後就原路返出去
路線 : 嶺南大學 > 富地路 > 虎山燒烤場 > 藍地水塘
體力需求：1.5星
