深圳灣橋底下 - 塗鴉牆 ( 街童本色 )

 

依家香港都有好多塗鴉牆可以打卡，今次見天氣好就去去

正確位置唔係好識講 - https://goo.gl/maps/SBfFEuCE5HnK1cC59

我嘗試係附近打咗個點，希望大家都搵到啦，係廈村入去

沿住靈渡寺方向入去，經過深圳灣橋底去，多數係單車友會去 

因為Google又係搵唔到，只有最近位置圖，我盡咗力

比大家望下2邊全貌

最重要係打返個卡先

我強烈建議係踩單車 / 揸車入黎，因為比較難搵

半日輕鬆行 - 城門水塘

 

聽聞城門郊野公園風景好靚，仲有好多動植物

秋天果陣仲可以見到好多唔同蝴蝶，好有秋意

環繞成個水塘行大約3-4小時，如果影相就耐D

全長10公里左右，都輕鬆易行，帶狗狗都得

首先係荃灣出發，直接搭小巴到水塘總站

指示好清晰，一落車就已經有路牌指示往目的地

沿住公園方向行就會見到水塘徑既入口

沿徑一直行見到好多自然界既朋友

彷如動植物公園既迷利版

睇完動物正式走入水塘邊，天氣好影既相特別靚

秋冬天既空氣都特別清爽，感覺非常良好

介紹下呢度先

1) 鐵橋 - 連接住主壩既行人通道同埋水塘既水掣塔

呢條橋係桿拱橋，橋上有閘門，我地上唔到去

2) 水掣塔 - 係香港一級既歷史建築物

塔係石塊砌成，加上鐵橋好有歐式建築感

過咗鐵橋行多20分鐘左右就有D長櫈可以休息

順便又講下城門水塘都係麥徑之一 - 第七段

如果行完仲未夠，可以繼續挑戰，不過要預夠時間

過咗觀景台沿住馬路繼續行，欣賞多半個鐘景色

就會差唔多到達下一個目的地 - 享逸台

留意返去到十字路口，唔好轉右上山

因為會上咗既針山 同 草山，路途遙遠

到達享逸台之後可以停留一陣

呢後路係漁護署新興既山徑，用木材同石塊搭樓梯

除咗保留自然風味，仲好好行 .....

呢度有大草地，仲有個小涼亭同長櫈

呢度算係最高點，大約有250米海拔

休息夠之後就沿住斜路落山，中途經過石澗

大約行半個鐘左右就到達水塘最出名 - 水畔千層

千層隔離有個好大既木牌，大家一定唔會錯過

水乾既時候行出去可以見到白千層既紋理

去到呢度都差唔多尾聲，可以盡情影多D相

呢D大自然既景觀係市區都比較少見到

影完相穿過樹林路就可以行返去小巴總站

再次見到城門道就知道今次旅程結束啦 ~~

路線 :  城門水塘古跡起步 > 鐵橋 > 觀景台 > 享逸台 > 石橺 > 水畔千層 > 起點

交通： 荃灣兆和街搭 82 小巴至城門水塘總站

體力需求：2星

膽量需求 : 0星

倆小伙子五月天去郊遊樂 - 河貝水塘

今日天氣熱熱但係又想呼吸新鮮空氣

行山簡單既家樂徑 - 元朗 河貝水塘

河貝水塘係香港最細面積既灌溉水塘

同埋都係香港少有既'S形'既堤壩水塘

曾經入選漁農署郊野公園十大自然風景之一

首先我地係元朗出發 坐小巴直到河背村站落車

 

落車之後沿住斜路行上去，起步點就見到補給站

有飲品小食賣，仲有單車打氣添

離開補給站一直向上行就會見到家樂徑既起點

河貝村一直上斜路就可以到達河背營點同埋燒烤場

中途望下旁邊既景色，一群群既綠色收入眼眶

經過燒烤場再行咗大約15分鐘就差唔多到水塘

我地可以沿住水塘行一個圈，大約一個鐘左右

可能係五月天既關係，星期日都唔算好多人

我地仲可以無限放題攝影，哈哈哈 .....

沿住水塘行就會見到家樂徑入口

呢度除咗郊遊人仕，仲有越野單車發燒友

成條家樂徑既路都好平坦，非常易行

就算帶小朋友或者狗狗都完全無問題

同時亦有D樹蔭，感覺好舒服

水塘既中段路有個好似竹林既小隧道要穿越

好岩我地呢D打卡既港女，過下外地遊引都好

我估秋天行應該可以睇到芒果，景觀仲靚

行到尾聲仲有段小流水既大平地

加上日光照住，影相都特別有仙氣

扮完仙女今次既旅程就差唔多完結

行下輕鬆下都差唔多用咗3個鐘 ~~

係離開前遇上自家制既姨姨賣凍野飲

當時第一時間去幫襯佢，消下暑啦

消完暑就搭返同一架小巴出去元朗 .....

路線 :  河貝村 > 家樂徑 > 沿水塘行一圈 > 竹林 

交通： 元朗泰衡街乘搭71往返河貝村 

體力需求：1.5星

膽量需求 : 1星