我家後山輕鬆行 - 洪水坑水塘 + 神鵬石

 

話說係天台曬完衫發現天氣好好，似乎好適合去行山

但想行完返黎食飯，咁就揀咗屋企出發既-洪水坑水塘

洪水坑水塘又名 - 丹桂坑水塘，係一個屬灌溉水塘

劃分為上下兩個水塘，水流會流經丹桂村及洪水橋出后海灣

主要用作灌溉元朗一帶既農地，不過依家無供給嚕

好多行山友都會以屯門徑為起點一直行過黎呢邊

因為可以順便睇埋藍地水塘 / 彩虹杆，不過我今次想上山

所以選擇水塘遊加睇大石 ~~ 出發啦 ~~~

一落樓下就可以開始計時 ~ 住正一個靚地 - 天地人路

天地人路直行右轉入 (臭河)，沿住臭河旁邊行

盡量都行右邊(和平新村里)，因為左邊係民居

一直行就見到小涼亭，可以先補充一下水份再上路

一直繼續行，行到元朗公路橋底，原本上水塘既路係右邊

只要沿住樹邊跟住條河就可以上到去，但我想向高難道挑戰

行右邊既越野單車路上去，呢邊又曬又光頭好有挑戰性

上去前留影一下先，因為要享受埋最後既蔭頂

Let's go ...

先會經過人地既倉地. 農地 之後先進入上山既路

由於係越野單車既路，所以沙石比較多，但比例光滑

提提大家* 唔著行山鞋都要著防滑鞋，注意PP啊 !!!!

準備無樹蔭啦親，曬曬曬，迎接太陽叔叔

一直曬好需要一路補充水份，如果唔係好易中暑

繼續向上爬，幸好係平日，無單車上山

大約爬咗半個鐘就差唔多到頂點

遠望到元朗方向

行到呢度右轉就落水塘，而左邊就繼續上山向公庵山行

我先落一落水塘探一探再繼續上爬

水塘既背面，一直沿住樹蔭行就可以行到大霸

由於呢個水塘比較偏，所以明顯無乜行山朋友會黎

藍綠既比較好平均，天氣非常之好

好似一幅畫咁樣

朋友，千萬唔好跳落去呀 ~~~

無心既地方梗係瘋狂地自拍一下啦 ~~~

做返陣瑜伽伸展下先 ~~

參觀完水塘就可以沿返岩岩條路繼續上山睇神石 

Bye Bye 水塘 ~~

繼續爬

中途會見到不同既神石

大約爬到海拔300米左右就會到達 - 神鵬石

神石大約係我5個人咁高左右，都真係幾神下

除咗望到元朗天水圍，所以遠望到圓頭山

睇完神石，我無繼續爬上公庵山，因為夠鐘準備上夜間課

一直沿返頭先上山既路可以落去，可以揀返藍地 / 洪水橋

由於我未見識過石磺場，所以揀藍地出，去睇下

落到去就見到好多泥車 / 夾車 出入，要小心行人路

左邊係上洪水坑水塘，聽人講礦場後面有條上藍地水塘

落到藍地，沿住福亨村徑行

一直行就可以出到藍地大街

路線 :  天地人路 > 洪水坑水塘 > 神鵰石 > 藍地

交通： 輕鐵 610 / 614 / 615 /751 洪水橋站

體力需求：2星

膽量需求 : 1星

認識香港用水同水來源 - 水知園

天水圍發展得太快，原來有D咁好既資源中心都唔知 ??

以前係呢度返學只覺得好悶，都無乜特別既好玩

水知園 - 一個公眾既水資源教學中心，透過展品.遊戲.影片

比大家對香港用水 / 水來源 / 節約 既資訊，非常好既意義

留意返* 黎參觀之前係需要預約 ::...

https://www.h2opecentre.gov.hk/tc/book-your-visit/index.html

位置係天水圍體育館後面，好方便，好容易搵到

一座樓高幾層既大樓，一眼就認得出佢

行到車場，就有指示叫你去入口

一直跟住指示，用行人通遁入去就到啦

呢度就係入口啦

水知園比公眾參觀既有2層，一入到去就有好好既教學

我地既用水唔係源源不絕，教我地要珍惜要節約用水

我地既飲用水大部分都係東江水，示意圖十分清晰易明

呢種水龍頭，深信好多年輕人都未見過 ~~~

我最喜歡就係呢part，因為介紹香港水塘

香港既水塘除咗有處理飲用水，仲有D係用黎灌溉用

資訊度好高，仲有片同影帶你實地觀賞

除咗介紹水塘仲有其他既互動

另外仲有影院比我地

仲有介紹雨水如何重用

有好多化學名都已經好陌生，比返晒老師啦 ~~

另外有遊戲區，深信呢D警告大家一D都唔陌生

樓上亦設有更貼地既主題，介紹咩產品/用法可以更節約用水

教我地如何睇能源標籤，點樣去選擇慳水又慳電

大家又知唔知水係咩重量 ???

仲有好多古董比大家欣賞

成個參觀大約2小時左右 ~ 都幾好玩又長知識 ~~~

交通： 乘搭輕鐵 / 巴士 都可

無限行既 - 藍地水塘

 

由於藍地水塘有非常多路線可以上到去，四方八面都有路接通

好多朋友們都會由何福堂上屯門徑再行埋彩虹欄杆打卡

但今次係即興行，Q姐仲著緊短裙，所以避開咗人多既路線

揀咗係嶺南大學後面，沿住富地路上去虎山燒烤區

藍地灌溉水塘 - 同洪水坑水塘距離唔夠1公里，我下次會行埋 ~~

藍地水塘係大欖涌水塘既延伸，水塘水由山上多條引水道滙集而成

雨後部分山澗會形成瀑布，沖入水塘，再經溪澗流入村中農地供灌溉之用

最終流入屯門河並匯入青山灣

好~講返路線先，沿住嶺南大學一空行上去大約35分鐘左右

一直行上去過埋燒烤場就見到指示牌

呢面可以揸車上黎，但唔建議咁做，因為位置好少，得3架車位左右

望到郊遊徑指示一直行，落樓梯，大約6-8分鐘就落到咖啦

個天同D塘水差唔多一樣色，一樣咁藍，藍水水塘?? 哈哈哈

遠望都可以望到屯門

欣賞完之後就原路返出去

路線 :  嶺南大學 > 富地路 > 虎山燒烤場 > 藍地水塘

體力需求：1.5星