好耐無去離島，一於向果邊出發 - 大澳
大澳應該好多香港人都去過，水都呀嘛
今次就加插D新野，行個小山 - 虎山
本身大澳位於大嶼山，漁村水上棚屋出名
仲有小船仔出海睇中華白海豚夠特別
但係呢個水有名既地方都有座小山可以行下
佢既觀景台行山徑仲有少少似迷利版既萬里長城
首先我地係新界大西北朋友，所以先搭船去大澳
一到步大速食速早餐先，例牌大份火腿飽絲通
今日應該有排消體力，食飽飽先上路 .....
食飽之後沿住太平街行，D舊式既鐵閘就出現晒
我諗係新市鎮好難會見到，影多幾張相留念
望住新沙方向行行行行，經過街市街就見到古廟
過咗古廟沿住石仔埗街繼續行，就開始見到民居
之後就會見到舊消防局，再行多10分鐘左右
就見到 - 少林武術藝術中心，呢度就係起點啦
旁邊有樓梯級，沿住上去就係 - 虎山
呢度都有唔少行山人仕會行，所以滅火工具小不了
大約行10-15分鐘左右
開始見到紅色欄杆就差唔多到最高點啦
轉頭就會見到名物 - 中華白海豚像
成段虎山路一個鐘內一定行得晒
中途仲見到飛機升降，秋天時候有芒草
落山既路就要小心D，都係石仔路
如果只著波鞋就避免雨後上山，怕滑倒
行下行下唔覺就見到民居就知道落到山腳
當你見到呢道小石牆就已經行完成個虎山
落到山腳兩邊可以欣賞下水鄉景色
環繞咗大半個大澳之後都用咗好幾個小時
係走之前當然要買返D手信返去啦 ~~
蝦乾蝦醬係首選，我就豪不客氣買幾斤
拎住滿滿既手信完美結束今日既旅程 ~~~
路線 : 總站 > 街市街 > 石仔埗街 > 少林武術中心 > 吉慶後街 > 買手信
交通： 屯門搭輪船 / 東涌坐11號巴士 直到大澳總站
體力需求：1.5星
膽量需求 : 0星
