聖彼德堡 - Day 1 - 俄航 之體驗

去俄羅斯首選係搭俄航 一係人地既國航 二係平

SU 每日得一班機去俄國首都 -- 莫斯科

HK/SVO ( Wed ) SU213 1155/1710

由於冬天關係 其實去到都已經天黑嚕

QQ呢種計到盡既心態 不如轉機直衝去 -- 聖彼德堡

SVO/LED ( Wed ) SU28 1925/2055

唔洗玩完莫斯科再搭去聖彼德堡嘛 慳返D時間

回程時先係莫斯科停留 好好享受個白色聖誕節
11點幾機 QQ終於可以唔洗再好似返工咁早起身
可以訓到7.8點先起床 真係非常非常感動咯
今次唔係毒遊咁lonely 今次有朋友 - 郭希小朋友
其賓佢唔小 實際上佢大過QQ 不過都係似小朋友
雖然佢都係住屯門 但QQ想搭A車 係機場等吧
俄航係 line D 搭A車簡直係完美 一搭車行入去就係
Check 完 in 拎齊2張機票可以入閘啦 有樣重要事提大家
俄國轉機行李不能直掛 係需要清關 同埋係唔同航廈咖
所以一定預夠時間 到時趕唔切就大件事啦 ==
入到禁區仲有時間 同爸爸食個早餐先 - M仔大佬
食完慢慢碌去上機 因為今次既閘口係 -- 26 好近呀

呢班機係 777-300 執飛 坐位係 3 - 4 - 3 夠大又好坐

機上設備都唔差 有大量幾新既電影好睇 亦有TV台
有機打 音樂聽 仲有小朋友頻道添 至重要有得差電

----------

準備起飛啦 * 起飛後 會先派發 Sleeping Pack

拖鞋 - 眼罩 - 耳窒 - 潤唇膏

之後再派耳機 同餐牌 機程為 十小時 有兩餐提供

飲品有基本既紅白酒 果汁 汽水 茶 同 咖啡

特別介紹既係啤酒 - Zhiguli Barnoe 朱古力巴爾諾耶
麥味幾重 似德國啤 不過無乜朱古力味 一試無防

飲完會好好訓呢 Try try * Hahaaaaa
飲完就會聽到有人問 Chicken or Fish ??
QQ咁愛魚 -- Fish Please* 賣相幾好 味道不錯

食飽飽係時候訓啦 仲有6個幾鐘先到哇 ….

收晒餐時 燈光將會較暗 機艙將會穫得一片寧靜
呢個時候如果肚餓可以去出餐位食D零食 飲下果汁

麥條 -- 蜜糖餅 -- 堅果 -- 朱古力

休息下 等多3個鐘又有第2餐啦 *

Chicken or Fish ? 今次轉下口味 Fish Please

第2餐既甜品係 Mars 朱古力 甜到呢 …
食完又可以繼續訓啦 訓到落機都得啦 !!!
ZZzzzzZzZzZzZZZZZZZzzzzzzzzzzzzzzzzzzz

經過十小時既機程終於都到達 - Moscow
之後我地要出境 做個Landing Visa 清關拎行李
衝去第2個航廈趕上第2班飛機去目的地 ...