提說靈渡寺有一千四百幾年歷史，香港最早寺廟及佛教發源地
亦係香港三大佛教聖地之一，靈渡寺創建於東晉末年
相傳梁代禪師懷渡留居此地而得名，經過宋明清民國時期多次重修
隋朝改名為 - 靈渡道場，唐朝改名 - 大雲寺，宋朝改名為- 碧霞宮
元朝改名為 - 白雲觀，依家又改返原名 - 靈渡寺
靈渡寺所處之山峰巒恰肖虎形，據雲寺即*虎頭*所在
靈渡寺後山地勢似虎形，寺正好坐落係虎頭處，被指煞氣好大
清朝道光二十年 (1840年) 被遷移至山坡下重建化解
由於風水關係，寺門由中央改成橫門，1970 年再次重建
只保留了寺門前牆壁既一部份，其餘都是重新修建
黎呢度前要有心理準備，因為位置比較偏遠，要有腳力
最近由廈村過黎，大約行30分鐘先會到，努力加油 !!!
行到黎就覺得咩都值得，因為附近環境優美，好清新
我地入去參觀下先
呢度係寺廟，我就唔多影相，係咁依影一兩相當作留念
入內寺行完，係外圍行一轉，草園圍繞四周，好舒服
坐咗陣，休息夠，飲飲水，就準備向靈渡山出發
靈渡寺旁邊小草地有條上山既小路，沿小路行就岩
圓頭山高374米，同屯門青山雙稱為 - 杯靈雙渡
由於青山路段屬軍事用地，今日為平日所以係練習日
咁今次就只行圓頭山，下次先挑戰埋青山 ^^
呢度係圓頭山既入口，一開始係草叢，泥沙，竹筏
所以大家都先衡量自己體力同裝備先向前衝啊 ~~~
沿途非常斜，腳力要十足，行山鞋係必須 * 再講多次 * 必須 !!!!
呢D難忘路線，又要為自己留下港女打卡照 ** ^^
一直爆上去，就開始光頭，我電話發熱到一個點
都唔敢拎出黎影相， *傻仔驚爆炸*，哈哈哈
大約衝咗90-100分左右，我好似望見靈光
呢個時間我已經攰到成個人訓咗係地下，都唔理熱定唔熱
好似無咗半條Q命咁，真心覺得難度唔低
但景色十分怡人，山頂既涼風吹係身上係好舒服
前輩們好好心咁留低咗2張鐵凳比我地休息，早知我頭先唔訓地
感覺次次行山都要搵呢個三角打卡
遠眺下青山，QQ下次會黎搵你咖 ~~~
其實我都慶幸今日唔太曬，先無行得咁辛苦
遠望一下屯門元朗景色，仲有后海灣美景
休息夠就落山，又要有心理準備過關，因為落山比上山難
要感謝前人設置咗鐵索輔助，如果唔係好易發生意外
路線 : 廈村 > 靈渡寺 > 圓頭山
交通： 乘搭53/K75係新生村落車，行30分鐘左右
體力需求：4星
膽量需求 : 3星
