親子遊好去處，又可以BBQ又可以睇動物，天水圍 - 綠田園

 

綠田園位於新沙江圍路上，我去之前就去咗附近探下土地公先

呢個土地公係Google地圖上係無點亦無顯示，比較隱蔽O既~~

如果揸車就一直沿住新沙江圍路入，去到盡頭就見到

車可以暫汨呢度，因為前面有私人地方，內有惡狗狗

呢個土地公係比較簡陋，不過仍有人打理

一場黎到就拜拜，順便積善積善 ~~~

呢度可以望到淋坑山，係一條好少行既小山仔 ~~

拜完土地公就沿路返出去，真係準備玩樂啦

門口有大量既停車位，唔洗先預約亦唔洗入場費

入面每項設施收費，即係玩就收錢唔洗就免費參觀

樂園既地圖好清晰，有玩既，有睇既，有食既 .....

如果要BBQ就先係呢度買票，之後有工作人員幫你開爐

**提提你，BBQ只限週六日公眾假期，平日會摸門釘

呢邊有BBQ區，座位都好闊

係地下我仲搵到D童年回憶，正呀，跳跳跳 ~~~~

又有撈金魚~做下金魚妹

仲有石春路，諗起都爽歪歪，我就唔行啦，Thank you ~

其實我入黎為咗睇動物咖，呢D路唔岩我行呢

沿途指示牌好清晰，唔怕迷路呢，一直行入去就到我想搵既野

過咗門牌之後就到啦

長生池，你估下係咩 ??

答案係 ::... 巴西龜

羊羊對住好笑，真開心，飛吻 .... >3< .......

同羊羊合照一樣先，除咗羊羊仲有牛牛咖

咁岩攝到牛哥係度拉屎 == 真係隔住個MON都有味

除咗動物都有D擺設可以影下相，影完相就可到水塘邊

水塘既倒影好靚，唔單止影相仲可以落水

冷靜D，我落水既意思落水玩，唔係真係跳落水

假期黎既時間有艇仔.水上單車.大滾筒玩咖 ....

其實都係親子好去處黎，Q姐未岩玩住，哈哈

如果BBQ埋真係可以玩足全日，開放時間係10點

交通： 乘搭輕鐵係天富落車向流浮山方向行15分鐘 / 揸車