香港版既彩虹村 - 光板田村

 

亞Q係荃灣上完瑜伽有3小時空閒，之後先準備上夜晚課

所以又腳長長周圍去，聽聞井荃灣有個香港版既彩虹眷村

成條路線加埋影相預一個鐘，就岩晒我可以小走走下

光板田村 - 位於荃灣山上既寮屋村落，平日人煙稀少

較早前義工同村民同心合力為村中各個角落髹上壁畫

我既目的地係二段，位於荃錦公路上，如果要直到就搭巴士

51號，不過一小時一班，或者搭小巴，我覺得行上去都OK

係愉景新城後面，落車後大約行20分鐘先上到山

當你見到有D彩色牆壁就表示你搵岩，旁邊已經有彩虹樓梯上去

沿住小樓梯上去就見到光板田村 - 二段 就表示岩咗 ~~~

上多幾級，就有小豬仔迎接你返屋企啦 ~~

溫馨完可以繼續向上行，沿路既小石都有畫畫

義工們同村民好有心思，有D樓梯唔單止彩虹仲有彩繪

好多豬仔，好可愛 ^^ ~~~

別人的家總是特別美，真羨慕 !!

就連旁邊既水管都有彩繪，真係好夢幻 ~~

呢度就係眾人打卡照熱點

我都不甘後人影返張先，我個口罩同背景好襯 ~~

其實一直行，你會發覺好多都係以前既舊貌，一一呈現眼前

我最喜歡呢個

好有心思，連電掣牆角都有小老鼠，好搞笑

最後呢D就似小朋友既畫功，將小菠蘿放咗係樹上

成個路程一上一落連影相大約一個鐘多少少

**提提大家，呢度係村民居住既地方，注意聲浪 !!!

路線 :  愉景新城 > 荃錦公路 > 光板田村二段 ( 彩虹村 )

交通： 乘搭51巴士到光板田村二段落車/ 80號小巴

體力需求：1星

膽量需求 : 1星