疫情後第一激出走記 - 沙美島 + 曼谷 - Day 3

 

日光浴 > 剪頭髮 > 午餐 > 四島遊 

今日早早起身感受一下沙美島既陽光

又揸住電單車四圍走，吸收下維他命D

呢D藍天同藍海真係要嚟東南亞先可以見到

遊遊下條友話想剪頭髮，佢稱自己做: 泰仔

呢間非常道地既髮廊，首先係: 無冷氣

亦無得洗頭，不過好專業，佢拎咗好多獎

而且用品都會消毒一次，另外仲加送修眉服務

歷時15分鐘一名偽泰仔就誕生啦 ~~~

恤完個靚髮就可以食個happy lunch

又係果度，唔介紹多，實在太好食

食完就正式開始今日既旅程 - 四島遊

呢D行程都係公價，四島遊500B/人

咁岩我地Join果間上船地點就係我地酒店隔離

一船人唔多，十人左右，好快就出發

跳島遊主要係玩下浮潛，團係包套裝

不過我地呢D玩開既當然自備，感覺乾淨DD~~

呢個團隨行有唔專業既攝影師，不停幫你影相

之後會上傳返佢地個網度，你可以自行下載

呢個服務真係無得頂，岩晒真正旅客

只需要好好享受旅程，自有人服務你

團仲送水同生果，都係當造既任食

百幾蚊港幣有得食有得飲有得玩地過三個鐘