零難度新手行山路線之一 - 鹿頸 + 高埔

 

鹿頸至谷埔出名係BB級路線之一，沿路景色優美

仲可以欣賞到葦田同紅樹林，係假日膠遊遊好去處

首先就係粉嶺火車站出發，搭56K小巴到總站落車

大約半小時一班，如果走咗班車可以去附近商場涼陣

係總站落咗車之後，行返後少少有2間餐廳

通常行山人士/單車發燒友都會係呢度補充夠先上路

由於今日係平日，所以只有BB開心茶座有開門

唔緊要，開心食都一樣，今日18號揀咗張18號枱坐😅😅

呢度有好多野食，除咗一段茶餐廳有既，仲有客家菜

不過我同朋友都未食早餐，決定豪一豪食個 - 痾地迫地屎 *

呢個先算係 Good Morning 👄👄

食完仲可以買枝涼茶下火，都係自家製

買完就向岩岩落車個方向行返去

沿住新娘潭路繼續行經過涼亭 > 變電站 > 左邊入村

轉左彎入村望住 發記士多 方法行就岩

發記士多左邊有條小路，沿住海邊行就正確

中途會經過民宅，只要細聲行過就可以

佢地都好歡迎外來人參觀，大家自律就無問題

過咗民宅之後，就有一堆樹蔭 好舒服

經過D樹蔭後就會見到一大片紅樹林同埋濕地

大約行20分鐘就會見到分支，右邊係上山

而上山就爬200米左右，最後都係可以到達谷埔

如果有體力既朋友可以直接上山，之後回程沿海邊返

咁樣就剛好環繞一周行，可以睇晒整個風景區

由於今次友人對行山係0經驗，所以我陪佢行左邊

左邊方向會輕鬆少少，不過都有大約80級樓梯

向上爬唔夠100米，只要夠毅力可以一口氣爬晒

放心吧~上到山頂就有小涼亭可以抖抖~飲啖水

之後可以直衝落山 >>> 向沙頭角方向行就見到鳳坑村

鳳坑村有士多，可以係呢度補給下

村入面有間茶座，係食客家菜，留意週六日先開

茶座隔離有全旅程唯一一個公廁，要好好珍惜

不過入面好多蚊，記得準備蚊怕水 + 紙巾

鳳坑村村民應該禁止外來人士入村

係外面水塘起咗鐵絲網 & 出入口加咗鐵閘

我地都係唔好打擾人地，繼續向前行

村既另一個打卡點就係 - 碼頭

QQ 係友人休息期間係碼頭邊做起YOGA 👏👏

等友人抖夠就可以上路啦 >>> 水浸排

呢度潮漲果陣就分開成咗個小島，潮退就可以行去對面

因為水經常沖上，所以林木間都長咗好多菇

繼續沿海邊行，小心有牛 & 米田共

大約行多20分鐘就到 >> 谷埔

本來谷埔必到既白色啟才學校因維修不能內進，有D可惜

不過QQ總算完成任務，帶咗一個從未行山既朋友黎到

谷埔村有好分 一二三四五肚，亦每個 (肚)都住唔同姓氏

聽聞姓 (宋)既人士居多，歷史悠久既客家村

參觀完谷埔村就係時間回程，同谷埔碼頭 BYEBYE 沿路走就OK

呢條路線好豐富，又可以睇到紅樹林

亦可以參觀到80年歷史既三級歷史古蹟，又感受客家文化

路線 :  鹿頸 > 鳳坑 > 谷埔

交通： 粉嶺火車站搭 56K 巴士至鹿頸總站

體力需求：1星

膽量需求 : 0星