五一不勞動的清邁遊 - Day 1

黃昏機 > 酒店 > 週五市集 > 晚餐 > 按摩 > 休息

清邁呢個地方大大話話都去過3次，所以對佢一點都唔陌生

不過今次唔同既係，居然我家姐都跟埋一齊嚟湊熱鬧

我呢個好妹妹就比佢跟下啦~ 👅👅

疫情後都好難再有以前既 ( 平機票 ) 因為稅都加唔少

今次襯住五一搶到$68機票，連稅後千一/張

咁耐無出走，都要嚟個報復式旅行，出發啦 ~~~

HK/CNX (FRI) UO744 1645/1840

CNX/HK (MON) UO755 1925/2310

機程二小時多D，訓一訓就落機，無娛樂可言

係唔洗等行李 又唔洗簽證既狀態，半個鐘就出到閘啦

嚟到外地唔好以為中文字就特別有親切感

凡事都要 - 三思而後行，正所謂 - 唔熟唔食 啊 ~~

記住左邊呢間講中文既收$200B-250B去古城

我二口不說轉身走了~機場公價都係150B

呢個Taxi Meter就誠實好多了 ~~

你最好準備埋泰國地址，好多司機未必識睇英文

去到櫃台比地址職員睇，之後就會開單比你

單上面有目的地同埋司機既編號，安全好多

如果你多行李就會另外收費，當然好合理

大約等咗5分鐘司機到，職員指示我地跟邊個司機

一出閘口行幾步就到的士停泊位，好方便

的士上都同單上編號一樣，可以上車啦 ~~

今次係黃昏機，去到已經夜晚，第一時間去酒店放低行李先

今次住既係Estia Chaingmai Hotel 係古城既中心位置

酒店有包早餐 亦有泳池，價性非常高

放低行李之後就出去行個圈，今日係星期五

古城入面有個小型夜市 - Flea Market Friday

位於 - 攀安寺 Wat Plan On外圍，同塔門好近

亦係Ratchadamnoen Rd.路上，非常容易搵到

下就已經營業，有畫作. 衫. 首飾. 亦有小食

夜晚既寺都好靚，值得留影

行完小夜市之後就去醫肚，行返去酒店附近搵野食

小夜市行返去都係6分鐘，超級近，幾個路口就到

我地揀咗酒店路口前少少既餐廳 - ผัดไทยราชดำเนิน

餐廳無冷氣，不過都坐得舒服，仲有Free Wifi

野食價錢唔貴，不過款式唔算多

味道我個人覺得偏向旅客多，唔泰正宗

呢個香葉辣肉碎唔夠香亦唔夠味，好中式既炒肉碎

呢碟蟹肉卷OK，食到有手打同蟹肉絲

呢碟深炸魚睇我個樣就知 💓💓

唔明點解泰味既蠔仔煎蛋會加冬菇 😕😕

全晚最滿意當然係呢碟生蝦 👅👅

食咁多野都係1240B，抵到呢 ~~~

食飽飽梗係去按腳啦，一場嚟到點可以唔梳乎下 💆💆

餐廳行前少少就已經超多 Massage 任你揀

我地隨意揀咗間有位既 - C&R Massage

佢既選擇都算叫多，價錢合理

我地食得好飽，所以選擇按腳+磨沙

磨完個人感覺輕D，聽日行步路都會快D ✌✌

按完仲有杯凍茶比你飲，舒服加爽呀~~~~

之後行一個路口就返到酒店，可以大休息 ~~~