本來今日行程係諗住行橫七，點知我搵極都搵唔到去粉嶺架巴士
好唔耐煩地上網搵附近有咩巴士可以搭到去行山啦 ~~
點知就搵到呢個 - 梧桐寨，睇到相就好似幾靚咁
就咁就比D相吸引咗我上我面前果個巴士啦 ~ 64K ~~~
梧桐寨位於大帽山北， 所謂 - 帽山群瀑
即係環繞大帽山大大小小瀑布飛泉 - 「香港四大自然奇景」之一
梧桐寨共有四條主要瀑布，分別為井底瀑、中瀑、主瀑及散髮瀑
梧桐寨共有四條主要瀑布，分別為井底瀑、中瀑、主瀑及散髮瀑
由元朗開始大約坐咗50分鐘就到達 - 梧桐寨村
一落車落見呢個太陽真係有D卻步，有D想回程，怕怕
一場黎到，搭咗咁耐車，都係硬住頭皮衡上去啦 ~~
係村口已經有指示，望住 - 萬德苑方向入去
一直行，入到梧桐寨村，大約行12-15分鐘斜路+樓梯左右
間唔中望返轉頭，都會見到村既景色
上到去差唔多見到車路既時候要小心，附近有村民居住
沿住村入去就會見到梧桐寨村村公所
村內面好多村民都有養狗狗，只要大家對佢地友善就唔洗驚
見到村公所向右轉見到有2個路口
係上山前左邊呢間係最後可以補給既小士多，有需要係門口禁鐘就得
離開士多之後就一直向上山方向行，經過萬德苑就會上到瀑布
呢段上山既路沿路都有樹蔭，終於覺得有D清涼咁
上去萬德苑既山路叫 - 萬德徑
有陰頂就影返張相留念一下
大約行10分鐘左右就差唔多到萬德苑既門牌
左邊仍有人居住，有養狗有養牛有種菜田，生活真寫意
今日藍天有配白雲加埋農村生活，有如一幅畫咁靚
過咗門牌之後行多一段石屎路繼續上山就到達到啦 ~~~
由於係聖地既關係，所以唔對外開放，係門口經過就OK
苑前有幾張長凳，可以先坐低小休飲啖水先再出發
休息完之後，可以繼續上山，係苑係旁邊有條小徑
沿住小徑上去幾級樓梯就會見到瀑布入口
入口前有指示牌
今次我除咗睇4條主要既瀑布，仲會上去最高點睇多條迷利瀑布
井底瀑 > 中瀑 > 主瀑 > 散髮瀑 > 玉女瀑，將會一直衝上533米
出發啦 ~~~
梧桐寨屬 - 大帽山郊野公園範圍
指示清晰，係呢個有個分叉位，可以行沙石路慢慢行
亦可以轉右上去爆樓梯上山，其實係圍住瀑布們行一圈
QQ揀咗先欣賞風景，所以行沙石上
初頭路段都係沙石為主 ** 極度建議著行山鞋
大約半小時左右就到第一條瀑布 - 井底瀑
井底瀑就如係井底一樣，抬頭望上去好似係個井入面
有種別有洞天既感覺，呢種好多大石，可以停低坐坐
而且呢度比較空曠，好多野選擇係度野餐，食少少野先上路
一直繼續行，沿路都會經過一D小瀑布
再行上多15分鐘左右就到第2個點 - 中瀑
.jpg)
因為一直都係爆上黎，中間無乜停既休息位
如果真係攰務必係度抖抖，因為一陣更精彩
感受一下水粉打係面上，真係夠涼快
呢條中瀑好似我條馬尾，去到底既時候開晒叉
由於瀑布打出好多水花，所以附近既石都長晒青苔
走近佢影相果度要小心滑倒，免得發生意外
影夠相之後就繼續上路，精髓黎啦 ~~~
沿住D ((大石))爬上去，要好夠腳力先得
中瀑同主瀑相差100米咁多，要咁樣爬上100米
真係要有心理準備先得，唔單止腳力同心理
手力都係必須，好彩我每次行山都有帶手套
呢度石邊係要靠手力爬過去，仲要帶埋膽識先得
爬先都有D驚驚地，食返塊菠蘿冰定下驚先
定完驚再繼續上路，行多陣我又見到個瀑布
好興奮呀 ~~ 影下相先，正當以為自己到咗 - 主瀑
心裡奇怪咗一下，點解主瀑咁短 ? 點解無乜人打卡既?
原來我未去到，只係其中一個小瀑布喳傻仔 =.=
上多陣終於見到光明啦 ~~
身處係380米既山上係咁咖 ~~~
一個人上山孭住幾公升水都裝備都唔容易咖 ~~
上多15分鐘左右，終於到咗真正既主瀑 ~~
主瀑係全港最長既瀑布，高達30米，狀態又長又窄
有位好好人既行山友們幫我影咗張女神照，些些里 ~~
主瀑既震撼力真係好吸引，令我多留咗一陣
之後沿住主瀑左邊既小路再繼續上山
係呢個位要小心，因為要澗水而行，要小心
依 ?? 原來我無無著到行山鞋，無仆親真係偷笑
點解我會咁失察 ? 不過好彩自己無穿無事 ~~~
真係要小心 ~~~
下一條瀑布 - 散髮瀑其實就係主瀑要頂部，主瀑幾長你爬上去就差不多
散髮布就好似小仙女D頭髮散開晒，即係我呀~~
似到十足十咯，係散髮布望出去就好似係山邊咁 ~~
好多朋友行到呢度就會原路折返，因為最主要既都睇晒
但我知道上面仲有條名為 - 玉女瀑，又短又小既瀑布
用埋我最後既Q力一直爆上去，終於去到梧桐寨最高點- 533米 ~~~
上完去已經無力揸住手機影相，一直圍住另一條樓梯路衝落山
全程行咗11公里，歷時5小時，1個字形容 - 攰，不過滿足 !! 返去啦 ~~
路線 : 梧桐寨村 > 萬德苑 > 井底瀑 > 中瀑 > 主瀑 > 散髮瀑 > 玉女瀑 > 萬德苑 > 起點
交通： 乘搭64K往返大埔 / 元朗
體力需求：3.5星
膽量需求 : 3星
沒有留言:
張貼留言