粉嶺後山 探秘路線 - 皇后山印度廟 + 皇后山軍營

平時大家行山都係以大自然、風景、或者打卡為主

其中香港都有好多特別既景點 - 軍事、歷史、文物

今日QQ就揀咗粉嶺既皇后山，唔好聽到個山字就以為又上山

今次係真輕鬆易山路線，又可以大見識呢 ~~~

提提大家 !!

1) 所有宗教場所都係一個莊嚴嘅地方，遊覽時保持安靜，尊重宗教

2) 印度廟及軍營蚊蟲非常十分多，一定要做足防蚊措施

3) 有D登山小路略為隱蔽又多碎石，雖然難度唔算高，但都要衡量下

首先介紹一下呢間印度廟先 ::...

位於粉嶺軍地嘅皇后山軍營印度廟，於1960年代興建

當時由駐守既尼泊爾士兵建造，依家已評定三級歷史建築物

舊年開始公屋皇后山邨和居屋山麗苑已陸續入伙

但因為建於60年代皇后山軍營範圍內，仍有不少空置軍事設施

一陣行完印度廟會再去埋軍營。

路線 ::...

先係皇后山落車，一直向山麗苑方向行

沿住馬路一直行，行到入迴旋處後方有條小路

小路口旁邊有條上山 *小小*路，比較斜

係呢條小斜路左邊有個鐵絲網既缺口，穿過缺口就入到去

沿住鐵絲網一直向上行，小路都有點窄，當日落緊雨好濕

大約行5分鐘左右就見到印度廟係你既左邊。

提提你* 唔好跟絲帶行，係另一條上山既路

太好啦 ~~ 終於到達目的地 ~~~

全港唯一以蓮花形狀興建嘅建築物，加上一D都唔難行

廟宇外形呈六角形皇冠，頂部有六個尖頂，並由12塊三角形砌成。

上到黎影完相，打下卡就可以繼續行程 - 皇后山軍營

皇后山軍營原本係駐港英軍營房，依家已經荒廢咗

以前全盛時期既皇后山軍營，佔地等於維多利亞公園

有辦公室、宿舍、戲院、操場、籃球場仲有草地

直至回歸後，軍營曾經改建為警犬隊總部，部分營舍則改為警察宿舍

直至2003年新既警犬隊總部成立，丟空至今。

休息完之後，係印度廟既後面有條路

沿住呢條路行，一直行到樓梯再上去

由於早前一星期打風既關係，導致有大樹倒塌，封咗樓梯既入口

唯有小心翼翼地爬過D樹，慢慢爬上去就行到了

上到去就有小小陰暗，絕對唔建議一個女仔去

雖然Q姐真係好鬼大膽，都係獨樂樂，但都唔想熒膜前既你受傷

入面全部都係已荒廢既地方，一地都係樹枝

外牆都寫上數字，代表第幾座。

沿路上黎，就沿路行返落去就岩。

路線：皇后山 > 印度廟 > 軍營

交通： 來回都可以乘搭503小巴往返上水站 / 52B小巴往返粉嶺站&布格仔

體力需求：2星

膽量需求 : 3星