馬灣海峽配青馬大橋美景 - 青衣自然徑

 

上完瑜伽又有幾個鐘空閒時間，又可以輕鬆行個小山

今次選擇去青衣，你實問我做乜揀青衣 ??

因為上完堂，樓下就有個小巴去到青衣小山既起點

夠晒方便，所以馬上出發， YEAH !!!!

青衣自然教育徑位於青衣西北方，鄰近長宏邨 

由於係 - 晨運徑，本身係比給老人家行，大部分為平路  

難度唔高，行山新新手都可以輕鬆完全整條路線

係小巴站落車後， 沿住上山路線一直行

行大約5分鐘左右就會見到入口

青衣自然徑有2個入口， 我今次不走回頭路

我依家係北面入口， 沿住4>3>2>1觀景亭落去南面入口出黎

依家出發啦 ~ 沿途都係石屎路多， 石級為主

自然徑都偏向輕鬆為主， 都有帶狗狗既朋友

大家記得帶走你地漏低既野啊 ~~~

全程大約2公幾里， 2小時內完成

沿途行都有樹木， 都幾清涼， 大約10分鐘左右就到第一個點 - 回歸紀念亭

附近有野餐區， 可以坐低食下野飲下水， 再一直行

係神秘既轉角位， 仲可以偷望到大橋美景， 之後就要去第2個點-4號觀景亭

再向前行多15分鐘就到到下個點

準備到達

觀景亭附近有單雙杆， 比晨運朋友做運動

跟住指示繼續行(青瞰徑)， 你可以揀去5號/直接落2號觀景亭

繼續行， 目標係寮肚山山頂 ( 青欣山 )

好清晰望到馬灣海峽同埋青馬大橋， 不過樹長得高， 呢度係青欣山

咁靚既風景區， 又留影一張先

前面係海灣， 後面就青衣邨

影完相再繼續行

路上有大量既運動儀器， 岩玩既朋友可以停低玩下

呢條路右邊有條小徑可以行出去， 會更親近海灣

繼續向前行就比較開洋， 樹開始少， 睇景就更清閘

過咗青雲徑就進入葵青慶回歸徑， 準備落山了

落山前仲有一個位可以睇到油庫 - 牙鷹洲油庫

之後就沿住石級落去， 就可以落到南邊入口

路線 :  長亨邨 > 青衣自然徑北 > 青欣山 > 青衣自然扇南 > 青華苑

交通： 乘搭42C/248M巴士 / 荃灣搭409小巴 長宏邨落車

體力需求：1.5星

膽量需求 : 1星