探索新田神秘泵房，觀賞生態島 + 荷花池

 

今日左探右探走咗去新田，之前疫情未爆前仲有新田城好行

依家變為新田隔離設施，不過唔好以為呢度無地方好去

今次就整個超自然保育原地生態之旅，好夠意思咖

介紹一下呢個地方先 - 新田雨水泵房及元朗排水繞道

為解決新界西北區水浸問題，新田鄉村防洪計劃於1999年完成

工程主要包括係鄉村四周興建防洪堤同雨水泵房

防洪堤防止暴雨時雨水湧入村，而村內既雨水則被引入蓄洪池

再被雨水泵房泵至防洪堤外既河道排放免受水浸威脅

元朗排水繞道採用截流方法，截取元朗集水區內四成雨水

唔經元朗市而直接帶入后海灣，減低元朗水浸風險

係元朗排水繞道工程中，更注入了保育自然生態既元素

加強工程建設與自然景觀既和諧及保育原地既生態環境

建造咗一片面積達70,000平方米既人工濕地

為依賴濕地生存的野生鳥類、兩棲動物同昆蟲提供棲息地，

大大豐富咗生態環境，同濕地公園有得比咖，準備出發

呢度係新田村路上，一個非常唔起眼既地方，好少人聽過

沿住村路入大約行10分鐘就會見到2旁有水塘咖啦 ~~

過咗泵房之後轉右一直行，小心係單程路，有車出入

一直繼續行就會見到一個浮式太陽能發電系統同生態浮島

獨樂樂只能自己自拍一樣，手藝都唔錯，自己賺下自已先

黎到呢度都見到佢，上次去水知園都say過hi啊 ~~~

路上左邊係生態島，而右邊就係水塘，同埋一樣咁靚

最後留影多一張先，Welcome to 新田

沿住新田村路一直行轉個彎就去到另一美景 - 荷花池

荷生一般都開係夏季，即係呢個時間黎就最岩啦

成條荷花池長450米，可以係唔同既路段影相

留意返係單程路，而且有好多村民同單車出入，都要小心

沿住新田村路就可以出返青山公路-新田段，可以搭巴士/小巴去元朗/上水

路線 :  新田雨水泵房及元朗排水繞道 > 生態島 > 荷生池

交通： 乘搭76K往返上水 / 元朗 或紅色小巴

體力需求：1星

膽量需求 : 1星