古洞水塘 *心形湖* BB級輕鬆行！

據說北海道有個 *心型湖*，我話你知唔洗去咁遠，香港都有咖 …

超輕鬆行，即使係行山新新手都問題，行完又唔覺得辛苦 !!

古洞南北分別有座山，麒麟山 同埋 大石磨山 。

麒麟山入面有座名為 - 古洞水塘 既小型農用水庫。

路線 :::...

先係古洞街市落車，望住 ( 古洞南路 ) 村口

一直沿住馬路行入去，小心車輛出入，見到公廁再行入幾分鐘

之後再一直行，之後就會見到分叉路，左邊係配水庫，右邊係古洞水塘

沿住右邊路行，有居民係度住，請大家安靜走。

過咗民居之後上到去左邊就係水塘啦 ~~~

水塘邊都有D蔭頂，又唔係好曬，影相超好

直望就會見到可以上山既小路，幾十米高左右

行到上去就可以影到 *心型*相咖啦 ~~~

行完QQ仲坐咗係山上曬太陽，舒服呢 ...

路線：古洞街市 > 古洞南路 > 古洞水塘 > 古洞南路 > 古洞配水庫

交通： 來回都可以乘搭76K巴士或是50A小巴往返上水站

體力需求：1星