深水埗小後山*嘉頓山* - 黃昏遊

 

平時去親深水埗都係為咗食平價美食或者買電子野再唔係買布料

今日早咗收工就貢咗出黎，黎個小小短途小山遊 - 嘉頓山

嘉頓山位於深水埗區，又稱 - 喃嘸山，係嘉頓廠房後面

山上能俯瞰深水埗同埋石硤尾公共屋邨，美荷樓

亦可以眺望昂船洲大橋，係黃昏遊 / 夜景熱點之一

我地出發啦 ~~~~

美荷樓旁邊有條巷仔，牆上已經有指示往嘉頓山方向

跟住呢個方向行入巷仔

行到入去就會見到開始有樓梯，沿住樓梯向上行

輕鬆行，行大約12-15分鐘左右就到，沿途旁邊係斜路，唔好爬上去

一路行，間唔中望下回頭，都比風景吸引咗

呢邊就係屋邨既景，密密麻麻堆埋一齊咁樣，轉眼間就到啦

上到去就望到九龍景色，遠少少就係昂船洲大橋，我自己都留影一張先

再行上少少，就有一片空地，比遊人做晨操，可以休息一下

可回望一下深水埗既美景先

坐下望下就好快太陽落街，夜景都可以睇埋

不過提提大家 * 路途無街燈，記得帶頭燈 / 電筒，注意安全

欣賞完就落返山，沿路上，沿路落返去 !!!

路線 :  深水埗站落車向巴域街方向行就到美荷樓

體力需求：1星