九龍南最高點 - 紅燈山

亞Q最喜歡黃昏時段行市區小山，因為忙完一日做個小運動好舒服

今次黎到九龍南既最高點 - 紅燈山，相比行悶咗既嘉頓山/格仔山都OK

何文田屬於九龍山勢較高既地區，區內涵蓋幾座小山丘

包括採石山、紅燈山、十二號山，紅燈山係最高。

紅燈山位處何文田和土瓜灣之間，高106米

呢度除咗望到整個土瓜灣，更能遠眺九龍東，

如果向北望仲好清楚看到整座獅子山

據聞以前啟德機場仲用緊，呢度山上設有

一座發射紅色燈光的燈塔，紅燈山個名就係咁黎

呢個輕鬆行路線大約45分鐘，係何文田出發

一出地鐵站就見到老龍坑山係左邊，不過今次唔係行呢度

沿住佛光街轉入信用街

沿住信用街行， 中間見到高山道變電站

一直繼續行，就見到高山劇院

Q姐比較八卦，就走咗入去望下行咗個圈，留影完就繼續行

遠望見到樂民新邨，方向就正確啦

行到樂民新邨，轉入去靠背壟道，好似講緊台語粗口咁

入咗去就到達樂民樂邨啦 ~~

係呢度發現有狗狗廁所，好窩心

欣賞完廁所就可以入邨啦 !!!

感覺似彩虹邨後代，咁好天氣影低真係好靚

穿過邨之後，就會見到邨後有條上山既樓梯，上去就岩啦

上咗去再回望多一眼，真係幾靚

行上樓梯第一站先到 - 靠背壟道遊樂場

過咗遊樂場之後再上去行就會見到 馬頭圍配水庫遊樂場 再上就係紅燈山

但我選擇咗條比較難道高既路線，沿住維修山坡既梯級爬上去

都keep住行200級梯級左右就上到一大平地，可以影相

可以飽覽晒整個九龍南既美景，再向上行就見到曙光

向住曙光行，就到達目的地 - 紅燈山

其實山頂上建造了一個小型配水庫及遊樂場 - 何文田上配水庫

路線 :  高山劇場 > 樂民新邨 > 靠背壟道遊樂場 > 何文田上配水庫 > 紅燈山

交通： 地鐵站何文田經華人基督會 / 土瓜灣經樂民新邨 上

體力需求：1星