36度高溫下另一對眼飽覽南生圍.橫洲美景 - 丫髻山

 

上完瑜伽諗住岩好可以搭上巴士上大帽山，點知我又完美錯過

一小時一班既巴士真係要較岩時間，唔緊要我下次會搭到咖啦

最後選擇返元朗行個小山 - 丫髻山

位於朗屏同天水圍之間，121米，旁邊還有一座小山 - 衙前山

可飽覽尖鼻咀、濕地公園、橫洲同豐樂圍一帶漁塘景色

所以直接上68A係總站落車就可以到起點啦 ~~

落咗車之後過對面馬路，大約行100米左右

由於依家上山路附近有地盤，所以有指示牌，怕比水馬睹住

呢度就係入口，沿住呢度上山就岩咖啦

初頭呢段5-10分鐘既路都有樹蔭，好好享受下

清清涼涼行下樓梯，中間都有凳比晨運客坐

可能呢度介紹多咗，多咗行山客，有好心人將交通將貼出黎

上去就之後就會見到個小涼亭 - 風雨亭

旁邊有間觀音廟

廟有專人打理，花草都開得好靚

靜靜雞咁走，唔好打擾人地午飯

之後再向上行多幾十級樓梯

丫髻山上都有好多先人，所以大家盡量都唔好打搞人

行到呢度山邊就要準備同陽光同遊戲

元朗方向

來不及同太陽伯伯Say Hi ...

呢度就係最高點 - 丫髻山，上去前先經過過衙前山，會上落上落

衙前山腳有居民係度住，種咗好多野

都有圍封度，唔好打去打擾人就OK啦

由於太陽太勁，D遮光布真係好有效

行過之後就有條繼續上山既路

沿路都係沙石 **行山鞋係必須，小心危險

正呀，一望無際既 - 沙石，除咗腳力夠，手力都小不免，都要借一借用

真係一棵樹都搵唔到，36度下既高溫，真係要keep住補水

地面溫度肯定超過40度，唔補水有機會中暑

望住最終目標，第一個check point就到啦 - 衙前山

正面可以望到元朗，背面可以望到天水圍

雖然望出去山頭有好多綠色，但係上山既路一D都唔綠，係泥黃 =.=

上黎就抖一抖，真心的又曬又熱，好似蒸爐咁

休息夠就繼續行

有D似一線脊，山連山要咁樣過去

望見家鄉啦，差少少就到頂啦 ~~

成功到達 ~~  可以望見橫洲一帶 ~~~

去到黎難得有一小蔭頂，食塊蘿菠冰先 

爽一爽先 ~~~

如果秋天再行過就舒服好多 ~~

之後沿住山邊落山

另一面既丫髻山可以望到南生圍同埋豐樂圍水塘

呢邊落山既路比較斜，而且泥土較鬆散，落山要小心

落山路途中，仲見到遊人留低既畫

睇埋畫就繼續落山啦 ~~

去到山腳左右就會見到分支路，跟住前人既絲帶行就可以

落到山腳就見到大馬路，右邊係盛屋村，左邊去天水圍

路線 :  朗屏 > 衙前山 > 丫髻山 > 盛屋村/天水圍

交通： 乘搭西鐵朗屏站 /巴士K73/68A/268C

體力需求：2星

膽量需求 : 1.5星